නන්දසේනගේ තවත් හොර හැඳුනුම්පත් වංචාවක් හෙළිවෙයි

Syndicated from lankadaily,

016 ඔක්තෝම්බර් මාසයේදී පුද්ගලයින් ලියාපදිංචි කිරීමේ දෙපාර්තමේන්තුව විසින් අවලංගු කරන ලද ජාතික හැඳුනුම්පත් අංකය භාවිතා කරමින් ශ්‍රී ලංකා පොදුජන පෙරමුණේ ජනාධිපති අපේක්ෂක නන්දසේන ගෝඨාභය විසින් 2017, 2018 සහ 2019 වසර වල ඡන්ද දායකයෙකු ලෙස ලියාපදිංචි වී ඇති බවත් හෙළිවෙයි.

පුද්ගලයන් ලියාපදිංචි කිරීමේ දෙපාර්ථමේන්තුවේ වාර්තා අනුව , නන්දසේන ගෝඨාභය ශ්‍රී ලංකා පුරවැසියෙකු යන පදනම මත නව හැඳුනුම්පතක් ලබා ගැනීම සඳහා ‘4021V’ සමඟ අවසන් වන අංකයක් දරණ පැරණි ජාතික හැඳුනුම්පත 2016 ඔක්තෝම්බර් මාසයේදී භාර දී තිබේ. පසුව ඔහුට ‘10010’ සමඟ අවසන් වන අංකයක් සහිත නව ජාතික හැඳුනුම්පතක් නිකුත් කරන ලදී.

එහෙත් ඔහු පාවිච්චි කරන ලද පැරණි හැඳුම්පතම පාවිච්චිකරමින් 2019 වසර සඳහාද ඡන්දදායකයකු ලෙස ලියාපදිංචි වීම සඳහා යොදාගෙන තිබේ. අවලංගු කරන ලද හැඳුම් පතක් එලෙස යොදා ගැනීම නීතිවිරෝධීවන අතර එය ශ්‍රි ලංකා රාජ්‍යයට කරන ලද වංචාවක්ද වේ.

1993 ඇමරිකාවට සංක්‍රමණය වූ නන්දසේනට ශ්‍රී ලංකා පුරවැසිභාවය හිමි නොවූ අතර, ආරක්ෂක ලේකම් ධුරයට පත්වීමෙන් පසු 2005 දී ශ්‍රී ලාංකීය ද්විත්ව පුරවැසි භාවය ලබාගැනීමට කටයුතු කර තිබුණු නමුත් ඊට පෙර මැදමුලන නිවසේ ඡන්ද දායකයකු ලෙස ලියාපදිංවි වීම වංචා සහගතව සිදුකර ඇති බවට තොරතුරු හෙළි විය.

මොහු ආරක්ෂක ලේකම් ධුරයෙන් ඉවත් වූ දා සිට ගංගොඩවිල දකුණේ ග්‍රාම නිලධාරි කොට්ඨාශයේ 526 / A,හි ඡන්දය ප්‍රකාශ කිරීම සඳහා ලියාපදිංචි වී ඇත. 2017 සහ 2018 වසර සඳහා ද ඔහුගේ අවලංගු ජාතික හැඳුනුම්පත භාවිතා කරමින් ඔහු ඔහු මෙම වංචාකාරී කටයුත්ත සිදුකර තිබේ.

ද්විත්ව පුරවැසි ක්‍රියාපටිපාටිය භාවිතා කරමින් නව ජාතික හැඳුනුම්පතක් ලබාගත් පුද්ගලයෙකු ඉන් පසුව ඕනෑම අරමුණක් සඳහා පෙර ජාතික හැඳුනුම්පත දිගටම භාවිතා කිරීම නීතිය බරපතල ලෙස උල්ලංඝනය කිරීමකි

නන්දසේනගේ මාධ්‍ය ප්‍රකාශක පාර්ලිමේන්තු මන්ත්‍රී කෙහෙලිය රම්බුක්වැල්ල සම්බන්ධ කර ගත් විට ඔහු කියා සිටියේ තමන් නොදන්නා බවත් මෙය නීතිමය ගැටළුවක් බැවින් අදහස් දැක්වීමට නන්දසේන ගේ නීතිඥයන්ගෙන් උපදෙස් ලබා ගත යුතු බවට ඩේලිමිරර් පුවත්පත වාර්තාකර ඇත.