කුසල් - තිරිමාන්න ජය මග පාදති

   Syndicated from wisdensrilanka,
දමින්ද විජේසූරිය

 

 දෙවැනි කඩුල්ල වෙනුවෙන් ලකුණු 156 ක විශිෂ්ට සම්බන්ධතාවක් ගොඩනැංවූ කුසල් පෙරේරා (99) සහ ළහිරු තිරිමාන්න (නොදැවී 81) කොළඹ ආර්. පේ‍්‍රමදාස කී‍්‍රඩාංගණයේදී අද (4 වැනිදා) පැවැති දෙවැනි එක්දින තරගයේදී කඩුලූ 8 ක විශිෂ්ට ජයක් (ඩක්වර්ත් - ලූවිස් න්‍යාය අනුව) කරා ශී‍්‍ර ලංකා පිල කැඳවාගෙන ගියහ. මෙම ජයත් සමගින් තරග 3 කින් සමන්විත එක්දින තරගාවලියද ජයගත් ශී‍්‍ර ලංකා කණ්ඩායම 2-0 ක් ලෙසින් පෙරමුණට පැමිණියේය.
 තරගයට වර්ෂාවෙන් බාධා වූ හෙයින් එය පිලකට  ඕවර 38 ක් දක්වා සීමා කරන ලදි. ඕවර 37.4 ක් අවසානයේදී සියලූ දෙනා දැවී බටහිර ඉන්දීය කොදෙව් කණ්ඩායම ලබාගත්තේ ලකුණු 214 ක් වූවත් ඩක්වර්ත්-ලූවිස් න්‍යාය අනුව ජයග‍්‍රහණය සඳහා  ඕවර 38 කදී ලකුණු 225 ක් ලබාගැනීමට ශී‍්‍ර ලංකා පිලට සිදුවිය. එහෙත් ඒ සඳහා ශී‍්‍ර ලංකා පිතිකරුවන්ට වැය වූයේ ඕවර 36.3 ක් පමණි. ශී‍්‍ර ලංකාවේ ජය මාවත විවර කර දුන් කුසල් පෙරේරා කොදෙව් පන්දු යවන්නන් ගල ග‍්‍රහයෙන් ගෙන තබා ගනිමින් තමන්ට රිසි සේ ලකුණු ලබාගත්තේ සිය සහායක පිතිකරුවන්ට නිදහසේ පහර කරා යාමේ විශ්වාසනීයත්වයත් එන්නත් කරමිනි. ශතකය පෙනි පෙනී සිටියදී ගැසූ මුරණ්ඩු පහරක් හේතුවෙන් දැවී යන විට පන්දු 92 කදී ලකුණු 99 ක් ලබාසිටි ‘පොඩි කසකාරයා’ හතරේ පහර 6 කින් සහ හයේ පහර 4 කින් සිය ඉනිම සරසා තිබිණ. පිටියට පැමිණ පළමු පන්දුවම හතරේ සීමාවට යැවූ ළහිරු තිරිමාන්න, මෙම තරගයේදී නැවතත් ලකුණු අතරට පැමිණ, අලංකාර පිතිහරඹයක යෙදෙමින් ශී‍්‍ර ලංකා කණ්ඩායම ජයටැඹ පසුකරන තුරුත් පිටියේ රැඳී සිටියේය. විනාඩි 144 ක් පුරා පිටියේ රැඳුනු ශී‍්‍ර ලංකා උප නායකයා පන්දු 95 කට මුහුණ දෙමින් ඒවායින් 6 ක්ම හතරේ සීමාවෙන් එපිටට යැවූයේ ඉන් එකක් සීමාවෙන් එපිට පතිත කරවමිනි. දෙවැනි කඩුල්ල වෙනුවෙන් ලකුණු 156 ක සම්බන්ධතාව ගොඩනැංවීමේදී තිරිමාන්න මෙන්ම කුසල් පෙරේරාත් දුර්වල පන්දුව දුටුතැන පහර දුන් නමුත් කඩුලූ පරෙස්සම් කරගැනීමට උත්සුක වූහ. ඩක්වර්ත් - ලූවිස් ප‍්‍රස්ථාරය දිගේ ජයග‍්‍රහණය සොයා ගිය හෙයින් කඩුලූ බිඳ වැටීම ඉතාමත් අහිතකර බව පිතිකරුවෝ දෙදෙනාම හොඳින් දැන සිටියද  ඕවරයකදී ලකුණු වේගය 6.00 න් පහළට නොවැටීමටද වගබලාගත්හ. කොදෙව්වන්ගේ පළමු කඩුල්ල ලකුණු 29 දී බිඳ වැටුණ නමුත් ආරම්භක පිතිකරු ජොන්සන් චාල්ස් සහ ඩැරන් බ‍්‍රාවෝ එක්ව තුන්වැනි කඩුල්ල වෙනුවෙන් පන්දු 70 කදී ලකුණු 70 ක සම්බන්ධතාවක් ගොඩනැංවූයේ කොදෙව් පිල මුහුණ දී සිටි අසීරුතාවෙන් මුදවා ගනිමිනි. තිලකරත්න ඩිල්ෂාන්ගේ අති දක්‍ෂ උඩපන්දු රැුකීමක් හේතුවෙන් ඩැරන් බ‍්‍රාවෝ පිටියෙන් ඉවත් වී ගියද අනතුරුව පිටියට පිවිසි මාලන් සැමුවෙල්ස් සමග එක්ව සිවුවැනි කඩුල්ල වෙනුවෙන් පන්දු 45 කදී තවත් ලකුණු 40 ක් එක්කිරීමට චාල්ස්ට හැකිවිය. පළමු එක්දින තරගයේදී නිපන්දුවක් යවමින් ශී‍්‍ර ලංකා පිලේ ජයග‍්‍රහණයට පාර කපා දුන් චාල්ස් මෙම තරගයේදී සිය අර්ධ ශතකය ලබාගත්තේ පන්දු 32 කිනි. චාල්ස් ලකුණු 83 ක් ලබා සිටියදී මිලින්ද සිරිවර්ධන හමුවේ ගැසූ ස්වීප් පහරක් වැරදී යාම නිසා කඩුල්ල මුවා කිරීමේ වරදට හසුව දැවී යන විට ඔහුගේ ඉනිමට හතරේ පහර 7 ක් සහ දැවැන්ත හයේ පහර 4 ක් ඇතුළත් වී තිබිණ. වර්ෂාව ඇතිවන විට කඩුලූ 4 කට ලකුණු 149 ක් ලබා සිටි කොදෙව් කණ්ඩායමේ අවසන් කඩුලූ හයම ඕවර 12 ක් තුළදී බිඳ දැමීමට ශී‍්‍ර ලංකා පිලට හැකිවූයේ අවසන්  ඕවරයේදී පිතිකරුවන් දෙදෙනකු දුවද්දී දවාගැනීමට ලසිත් මාලිංග සමත් වීමෙනි. ඇන්ජලෝ මැතිව්ස්ගේ තවත් සාර්ථක පන්දු පිරිනැමීමකින් අවසන්  ඕවරයේදී කොදෙව් පිතිකරුවෝ තිදෙනෙක්ම දැවී ගියහ. එක්දින තරගාවලිය 2-0 ක් ලෙසින් ජයගත් නමුත් එක්දින අන්තර්ජාතික ශ්‍රේණිගත ලයිස්තුවේ තවත් ඉහළට යාමට අවශ්‍ය ප‍්‍රසාද ලකුණු ලබාගැනීමට නම් ශී‍්‍ර ලංකා කණ්ඩායම තුන්වැනි එක්දින තරගයද ජයගත යුතුය. තුන්වැනි සහ අවසන් එක්දින තරගය 7 වැනිදා (සෙනසුරාදා) මහනුවර පල්ලෙකැළේ කී‍්‍රඩාංගණයේදී පැවැත්වේ.  ලකුණු පුවරුව
බටහිර ඉන්දීය කොදෙව් ජොන්සන් චාල්ස් - ක.මු.කළා ප.සිරිවර්ධන    83
ඇන්ඩි‍්‍ර ෆ්ලෙචර් - ඇ.කුෂල් පෙරේරා ප.මාලිංග    0
ජර්මේන් බ්ලැක්වුඞ් - ඇ.සිරිවර්ධන ප.සේනානායක    9
ඩැරන් බ‍්‍රාවෝ - ඇ.ඩිල්ෂාන් ප.සිරිවර්ධන    21
මාලන් සැමුවෙල්ස් - දුවද්දී දැවී ගියා    63
ජොනතන් කාටර් - ප.ලක්මාල්    5
ජේසන් මොහොමඞ් - ඇ.චන්දිමාල් ප.මාලිංග    4
කාලෝස් බ‍්‍රැත්වෙයිට් - දුවද්දී දැවී ගියා     17
ජෙරම් ටේලර් - දුවද්දී දැවී ගියා    1
සුනිල් නරේන් - දුවද්දී දැවී ගියා    0
රවී රාම්පෝල් - නොදැවී     1
අතිරේක -     10
එකතුව  ඕවර 37.4 කදී සියලූ දෙනා දැවී     214 කඩුලූ වැටීම
1-01(ෆ්ලෙචර්), 2-29(බ්ලැක්වුඞ්), 3-99(බ‍්‍රාවෝ), 4-139(චාල්ස්), 5-152(කාටර්), 6-169(ජේසන්), 7-211(සැමුවෙල්ස්), 8-212(ටේලර්), 9-213(බ‍්‍රැත්වෙයිට්), 10-214(නරේන්) පන්දු යැවීම :
ලසිත් මාලිංග : 7.4-0-43-2, සුරංග ලක්මාල් : 7-0-51-1, සචිත‍්‍ර සේනානායක : 6-0-25-1, අජන්ත මෙන්ඩිස් : 7-0-44-0, ෂෙහාන් ජයසූරිය : 2-0-11-0, මිලින්ද සිරිවර්ධන : 7-1-27-2, තිලකරත්න ඩිල්ෂාන් : 1-0-07-0  ශී‍්‍ර ලංකාවකුසල් පෙරේරා - ඇ.බ‍්‍රැත්වෙයිට් ප.රාම්පෝල්    99
තිලකරත්න ඩිල්ෂාන් - ප.නරේන්    17
ළහිරු තිරිමාන්න - නොදැවී     81
දිනේෂ් චන්දිමාල් - නොදැවී    16
අතිරේක    12
එකතුව ඕවර 36.3 කදී කඩුලූ 2 ක් දැවී     225 කඩුලූ වැටීම :
1-40(ඩිල්ෂාන්), 2-196(කුසල්) පන්දුවට පහර නොදුන් පිතිකරුවෝ
මිලින්ද සිරිවර්ධන, ඇන්ජලෝ මැතිව්ස්, ෂෙහාන් ජයසූරිය, සචිත‍්‍ර සේනානායක, ලසිත් මාලිංග, අජන්ත මෙන්ඩිස් සහ සුරංග ලක්මාල් පන්දු යැවීම :
රවී රාම්පෝල් : 6-0-40-1, ජෙරම් ටේලර් : 5-0-47-0, සුනිල් නරේන් : 8-0-27-1, මාලන් සැමුවෙල්ස් : 5.3-0-34-0, ජේසන් මොහොමඞ් : 6-0-25-0, කාලෝස් බ‍්‍රැත්වෙයිට් : 4-0-35-0, ජොනතන් කාටර් : 2-0-12-0 තරගයේ වීරයා : කුසල් පෙරේරා  ඡායාරූප - ශාන්ත රත්නායක