--by වේරගොඩගේ සජිව විජේවීර Syndicated
from lankadeepa.lk,
ආහාර වර්ජනය කරමින් මරණයට කැපවීමේ ජෛන ආගමික චාරිත්‍රය වන ‘‘සන්ත්‍රා“ මාරාන්තික උපවාසයට තිබූ නීතිමය තහනම ඉන්දීය ශ්‍රේෂ්ඨාධිකරණය විසින් ඉවත්කැර ඇත. මෙම චාරිත්‍රෙය හේතුවෙන් ජෛන ආගමිකයන් ස්වේච්ඡාවෙන් සියදිවි නසා ගන්නා බවත් එය නීති විරෝධී බවත් ප්‍රකාශ කරමින් රාජස්ථාන් අධිකරණය තහනම් නියෝගයක් නිකුත් කැර තිබිණි.
එම තහනමත් සමග දිගින් දිගටම උද්ඝෝෂණයේ නිරත වූ ජෛන ආගමිකයන් කියා සිටියේ සියදිවි හානිකර ගැනීම අපරාධයක් වුවත් සිය ආගමික චාරිත්‍රය එවැනි අරමුණකින් කරන්නක් නොව ආගමික ඇදහීමක් පමණක් බවයි.
ඉන්දියාවේ ජෛන ආගමිකයෝ ලක්ෂ 40ක් පමණ සිටිති. ලොව ඉතා පැරණි ආගමක් ලෙස සැළකෙන ජෛන ශ්‍රමණවරු ඉතා දුෂ්කර දිවි පෙවතක් ගත කිරීමට හුරුවූවෝ වෙති. ඔවුන් සන්ත්‍රා නම් මාරාන්තික උපවාසය හඳුන්වන්නේ ආහාර ගැනීමෙන් වැළකී මරණයට සූදානම් වීමේ චාරිත්‍රයක් ලෙසිනි.
Comments
Post a Comment