syndicated from lankadaily.com,
එක්සත් ජනතා නිදහස් සන්ධානයේ ජාතික ලැයිස්තු මන්ත්‍රීධුරයක් බලාපොරොත්තුවෙන් සිටි තිස්ස අත්තනායක මහතා එම බලාපොරොත්තු සුන් වීමෙන් පසුව තමාට ප්‍රභූවරයකු සේ සලකා නිකුත් කර තිබු රාජතාන්ත්‍රික ගමන් බලපත්‍රය අද දින ආගමන විගමන දෙපාර්තමේන්තුවට බාර දි එය සාමාන්‍ය විදේශ ගමන් බලපත්‍රයක් බවට වෙනස් කරගෙන තිබේ.
එක්සත් ජාතික පක්ෂයේ හිටපු මහ ලේකම්වරයා වූ අත්තනායක මහතා පසුගිය ජනාධිපතිවරණයේදී විපක්ෂයේ පොදු අපෙක්ෂකයාට සහය දීම අත් හැර මහින්ද රාජපක්ෂ මහතාට සහය දීමට ඉදිරිපත් විය. එම අවස්ථාවේදී ඉතා දැඩි ලෙස පාක්ෂිකයන්ගේ මෙන්ම පොදු ජන සමාජයේද විවේචනය ඔහු ලක්වූ අතර ඔහුගේ දේශපාලන චරිතයද කෙලසා ගනු ලැබීය.
පසුව පසුගිය මහ මැතිවරනයේදී එක්සත් ජනතා නිදහස් සන්ධානයේ මහින්ද පාර්ශ්වය සහය පළ කළ අතර එම සන්ධානයේ ජාතික ලැයිස්තුවටද ඔහුගේ නම ඇතුලත් කරන ලදී.
කෙසේ නමුත් මහ මැතිවරණයෙන් ද පරාජය වූ සන්ධානය ඔහුට මන්ත්‍රීධුරයක් ලබා දීම ප්‍රතික්ෂේප කර තිබේ. අත්තනායක මහතා පසුගියදා වෙනම දේශපාලන පක්ෂයක්ද නිර්මාණය කළ නමුත් ඔහු තවදුරටත් දේශපාලනයේ නිරත වන්නේද යන්න සැක සහිතය.
ඔහු එදා එජාපය පාව නොදෙන්නට අද ප්‍රබල ඇමැතිවරයකු ලෙස දේශපාලනයේ නිරත වීම අවස්ථාව නියත වශයෙන්ම ඔහුට තිබුණු බව අවිවාදිතය.
Comments
Post a Comment