syndicated from lankaenews.com,
(සේයාරූ ලංකාදීපයෙනි.)
(සේයාරූ ලංකාදීපයෙනි.)
සිව්වැනි වරටත් ශ්‍රී ලංකාවේ අගමැති පදවියට පත්වූ රනිල් වික්‍රමසිංහ මහතා සහ බිරිඳ මෛත්‍රී වික්‍රමසිංහ මහත්මිය අද (23) උදෑසන දළඳා සමිඳුන් වැඳ පුදා ගැනීමෙන් පසු තිබ්බටුවාවේ සුමංගල මල්වතු මහ නාහිමියන්ද, ගලගම අත්ථදස්සී අස්ගිරි මහ නා හිමියන්ද බැහැ දුටුවේය.
පාර්ලිමේන්තු මන්ත්‍රීවරුන් වන ලක්ෂ්මන් කිරිඇල්ල, රවුෆ් හකීම්, මලික් සමරවික්‍රම යන මහත්වරු හා හිටපු දිය වඩන නිළමේ නෙරංජන් විජේරත්න මහතාද එම අවස්ථාවට එක්වූහ.
අගමැතිවරයා අද සවස ජනාධිපති මෛත්‍රීපාල සිරිසේන මහතා හමුවීමට නියමිත අතර හෙට ක්‍රිකට් ක්‍රීඩාවෙන් සමුගත් කුමාර් සංගක්කාර මහතාට උපහාර පිදීමේ පී.සරවනමුත්තු ක්‍රීඩාංගනයේ පැවැත්වෙන උළෙලට සහභාගී වනවා ඇත.
Comments
Post a Comment