මධ්‍යම අධිවේගී මාර්ගයේ පළමු අදියර චීන සමාගමකට

 syndicated from lankadaily.com

Published in පුවත්

 Monday, 27 July 2015 16:38

මධ්‍යම අධිවේගී මාර්ගය ඉදිකිරීමේ පළමු අදියරේ ඉදිකිරීම් කොන්ත්‍රාත්තුව Metallurgical Corporation of China (MCC) නම් චීන සමාගමකට ලබා දී ඇති බව වාර්තා වේ. මෙම අධිවේගී මාර්ගය ඉදිකිරිම සඳහා චීන Exim බැංකුව ආධාර සපයයි.

මේ වනවිට ශ්‍රී ලංකා රජය MCC සමාගම සමග සකච්ඡා කර ඇති පරිදි කොස්සින්න සිට මීරිගම දක්වා කිලෝ මීටර් 32.5ක දුර සඳහා රුපියල් බිලියන 145.8ක මුදලක් වැයවෙන අතර කිලෝමීටරයකට වැයවෙන මුදල රුපියල බිලියන 4.5ක් පමණ වන බව රජයේ ආරංචි මාර්ග පවසයි.

කොළඹ සිට නුවර දක්වා ඉදිවෙන මෙම අධිවේගී මාර්ගයේ පළමු අදියර කඩවත සිට මීරිගම දක්වා ඉදිකිරීමට නියමිතයි.

දැනටමත් චීන ඉදිකිරීම් සමාගම පළමු කිලෝ මීටර් 5 තුල මූලික වැඩ කටයුතු ආරම්භ කර ඇති බව පැවසේ.

කඩවත සිට මීරිගම දක්වා ඉදිකිරීම් සඳහා මාර්ග සංවර්ධන අධිකාරිය සහ MCC සමාගම අතර ගිවිසුම අත්සන් කිරීම සඳහා පසුගියදා කැබිනට් අනුමැතිය හිමිවිය.

එමෙන්ම මෙහිදී ඉඩම් හිමිවෙන ජනතාවට වන්දි ගෙවීම සඳහා භාණ්ඩාගාරයෙන් රුපියල් මිලියන 500ක් ලබාදීම සඳහාද කැබිනට් අනුමැතිය හිමිව තිබේ. 

ශ්‍රී ලංකා මුදල් අමාත්‍යංශය මෙම ව්‍යපෘතිය සඳහා චීන Exim බැංකුවෙන් සහනදායි ණය මුදලක් ලබාගෙන ඇත