Published in පුවත්
Saturday, 25 July 2015 10:55
මහ මැතිවරණය අවසන් වූ වහාම මහින්ද රාජපක්ෂ හා ඔහුගේ පවුලේ සාමාජිකයන් මෙන්ම පෑවති රජයේ දුෂණ වංචා වන්ට හවුල් වු සියලූම මැති ඇමැතිවරු හා හිතවතුන් වහම අත් අඩංගුවට ගැනීමටත් ඔවුන්ට එරෙහිව නීතිය ක්‍රියාත්මක කිරීමටත් ජනාධිපති මෛත්‍රීපාල සිරිසේන මහතා අදාල අංශවලට උපදෙස් දී තිබේ.
ඒ අනුව මූල්‍යා අපරාධ කෝට්ඨාෂය(FCID) වංචා දූෂණ විමර්ශනය සඳහා පිහිට වූ විශේෂ ජනාධිපති විමර්ශන ඒකකය , අපරාධ පරීක්ෂණ දෙපාර්තමේන්තුව මේ වන විට එම කටයුතු සඳහා වන ලිපිගොනු සූදනම් කරමින් සිටින බවත් ජනාධිපතිවරයාට සමීප ආරංචි මාර්ග පවසයි.
එමෙන්ම මැතිවරණය අවසන් වන තුරු චෝදනා ලැබූවන් කිසිවකුත් අත් අඩංගුවට නොගන්නා ලෙසද එම ආයතන ප්‍රධානින්ට උපදෙස් ලැබී තිබේ.
ජනාධිපතිවරයා මෙලෙස දැඩි තීන්දුවක් ගෙන තිබෙන්නේ අගමැති රනිල් වික්‍රමසිංහ යටතේ රාජපක්ෂ පවුලේ දූෂිතයන්ට එරෙහිව ලිහිල් ආකාරයෙන් කටයුතු කිරීම හේතුවෙන් බව පැවැසේ. ජනාධිපතිවරයා ලෙස තමන්ට තිබෙන බලතල උපරිමයයෙන් යෝදා ගෙන දූෂිතයන්ට එරෙහිව නීතිය ක්‍රියාත්මක කොට පාර්ලිමේන්තුව හා රාජ්‍ය පාලනය පිරිසිදු කිරීමත් යළි දූෂිත රාජපක්ෂ පවුලේ කිසිවකුටත් දේශපාලන බලය අත්පත් කර ගැනීමට ඉඩ නොදීමත් ඔහුගේ තීරණය වී තිබේ.
Comments
Post a Comment